სახალხო დამცველის აპარატმა ჟურნალისტებზე განხორციელებული მუქარის ფაქტების შესწავლა დაიწყო
28 იანვარი, 2009
საქართველოს სახალხო დამცველის აპარატის წარმომადგენლები რამდენიმე დღის წინ, კახეთში, იმ ჟურნალისტებს შეხვდნენ, რომელთაც 2009 წლის 7 იანვარს, პროფესიული მოვალეობის შესრულების დროს გურჯაანის პოლიციის უფროსმა სოსო მარტაშვილმა უცენზურო სიტყვებით აგინა და დაკავებით დაემუქრა.
ომბუდსმენის აპარატმა ჟურნალისტების შეურაცხყოფის და მათზე განხორციელებული მუქარის ფაქტების შესწავლა ოფიციალურად დაიწყო.
როგორც ცნობილია, გასულ კვირას სახალხო დამცველმა სოზარ სუბარმა მომხდართან დაკავშირებით განცხადება გააკეთა. სუბარი შს გურჯაანის სამმართველოს უფროსის მიერ ჟურნალისტების სიტყვიერი შეურაცხყოფის ფაქტს სახელისუფლებო პოლიტიკის გაგრძელებად აფასებს და მიიჩნევს, რომ პოლიციის უფროსმა სოსო მარტაშვილმა თანამდებობა სასწრაფოდ უნდა დატოვოს.
გელა მთივლიშვილი, კახეთი
ახალი ამბები
პოპულარული
სტატია
13 თებერვალი, 2024
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სტატია
28 დეკემბერი, 2023
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
სტატია
13 დეკემბერი, 2023
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
