საქართველოს მოქალაქეები აზერბაიჯანიდან გამოაძევეს

აზერბაიჯანული ვებ გვერდის www.apa.az -ს შირა-ზაქათალის ბიუროს ცნობით,  ბალაკანის რაიოში აზერბაიჯანელმა სამართალდამცველებმა დააკავეს ორი საქართველოს მოქალაქე, რომლებიც რელიგიური სექტის „იეღოვას მოწმეების“ პროპაგანდას ეწეოდნენ აზერბაიჯანში.

ბალაკანის რაიონის პოლიციის განყოფილების თანამშრომლებმა საქართველოს მოქალაქეები, ლაგოდეხის რაიონის მაცხოვრებლები 32 წლის დავით ბექაშვილი და 30 წლის მამუკა სუბუაშვილი დააკავეს. დაკავების დროს მათ სამი დასახელების 171 ცალი წიგნი  აღმოაჩნდათ „იეღოვას მოწმეებზე,“ რომელიც გერმანიაში იყო დაბეჭდილი.

სამართალდამცველებმა საქართველოს მოქალაქეები აზერბაიჯანიდან გააძევეს.

წყარო: www.apa.az