როგორც ჩვენთვის გახდა ცნობილი, კახეთის ამბულატორიულ – პოლიკლინიკური გაერთიანებების თანამშრომლებს 2009 წლის იანვრისა და თებერვლის თვეების ხელფასები ამ დრომდე არ მიუღიათ.
ექიმების განცხადებით, მათ არ აქვთ ინფორმაცია, როდის მიიღებენ კუთვნილ ხელფასებს. ამის შესახებ ინფორმაციას არც გაერთიანებების დირექტორები ფლობენ. მათი თქმით, სახელფასო დავალიანებების არსებობა ამბულატორიული პროგრამის რეორგანიზაციამ განაპირობა.
ჯანმრთელობის სააგენტოს კახეთის ფილიალის დირექტორის ზურა გაურაშვილის განცხადებით, ექიმები, ექთნები და პოლიკლინიკების სხვა თანამშრომლები ხელფასებს მიიღებენ, ოღონდ როდის, უცნობია.