ევროკავშირის სადამკვირვებლო მისია კახეთში კომპაქტურად მცხოვრები აფხაზეთიდან დევნილების პრობლემებს გაეცნო.
იძულებით გადაადგილებულმა პირებმა საერთაშორისო ორგანიზაციის წარმომადგენლებს განსახლების პროცესთან დაკავშირებულ საკითხებზე დეტალური ინფორმაცია მიაწოდეს. დევნილებმა აღნიშნეს, რომ 16 წლის შემდეგ, ამჯერად საქართველოს მთავრობის წარმომადგენლები მათ საცხოვრებლიდან, მათი ნების საწინააღმდეგოდ ასახლებენ, წინააღმდეგ შემთხვევაში კი ემუქრებიან, რომ თავშესაფრიდან `სპეცრაზმის მეშვეობით გაათრევენ~. იძულებით გადაადგილებულმა პირებმა ევროკავშირის სადამკვირვებლო მისიის წარმომადგენლებს ასევე სთხოვეს მონიტორინგი გაუწიონ განსახლების პროცესის ფარგლებში დევნილთა საცხოვრებლად გამიზნულ შენობებში სარეაბილიტაციო სამუშაოებისთვის გათვალისწინებული დიდი ოდენობით თანხების ხარჯვას. მათ ეჭვი გამოთქვეს, რომ აღნიშნული თანხები არამიზნობრივად იხარჯება.
გელა მთივლიშვილი,კახეთი