ცხრა მომიტინგეს სამედიცინო დახმარება დასჭირდა

პარლამენტის შენობის წინ მიმდინარე აქციაზე 033-ს დახმარება ცხრა მომიტინგეს დასჭირდა.

როგორც „მედიანიუსს“ „033“-ის სამედიცინო დირექტორმა მადონა ჭეიშვილმა განუცხადა, აქციის მიმდინარე ტერიტორიაზე მყოფ ბრიგადებს ცხრა  ადამიანმა მიმართა დახმარებისათვის, მათ ძირითადად წნევის აწევა, ნერვოზულობა აღენიშნებოდათ.

მისი თქმით, ორი ადამიანი ე.წ. მიხეილის კლინიკაშია გადაყვანილი, დანარჩენს სამედიცინო დახმარება ექიმთა ბრიგადებმა ადგილზე აღმოუჩინეს. ამ დრომდე აქციის მიმდებარედ „033“-ის ოთხი სამედიცინო ბრიგადა მუშაობს.

წყარო: მედიანიუსი