ოპოზიციის ერთ-ერთი ლიდერის ბეჟან გუნავას განცხადებით, სოდი-სა და კუდ-ის თანამშრომლები აქციის მონაწილეებს ფიზიკურად უსწორდებიან.
როგორც პარლამენტთან მიმდინარე მიტინგზე ბეჟან გუნავამ განაცხადა, აქციის ერთ-ერთ მონაწილეს 9 აპრილის ბაღში სოდ-ისა და კუდ-ის თანამშრომლები ფიზიკურად გაუსწორდნენ, ხოლო კიდევ ერთი მომიტინგე ავტომანქანით გაურკვეველი მიმართულებით წაიყვანეს.
"ეს აქცია პათეტიკური არ არის, ვინმე რომ სცემონ და ჩვენ ამას მშვიდად ვუყუროთ. ამიტომ მოვუწოდებთ სოდ-ისა და კუდ-ის თანამშრომლებს, ერთი საათის ვადაში 9 აპრილის ბაღი დატოვონ, წინააღმდეგ შემთხვევაში ჩვენ თავად ჩავალთ და ჩვენ გავათავისუფლებთ ბაღს და ქალაქს ამ ხალხისგან", - განაცხადა ბეჟან გუნავამ.
მისივე ინფორმაციით, 9 აპრილის ბაღის გარდა სოდ-ისა და კუდ-ის თანამშრომლები მეტროს სადგურებთანაც არიან თავმოყრილი.
წყარო: ინტერპრესნიუსი