ოსმა სეპარატისტებმა დღეს დილით "საზღვრის გადაკვეთის" ბრალდებით ეუთო-ს დამკვირვებლები დააკავეს.
"ეუთო-ს დამკვირვებლების ავტომანქანამ სამხრეთ ოსეთის საზღვარი უკანონოდ გადმოკვეთა, რის შემდეგაც ისინი ოსმა მესაზღრეებმა დააკავეს", - განაცხადა დე ფაქტო პრეზიდენტმა ედუარდ კოკოითმა და განმარტა, რომ "დამკვირვებლებს ცხინვალში საგარეო საქმეთა სამინისტროში გადაიყვანენ". მისივე თქმით, "ეუთო-ს დამკვირვებლების საქციელი პროვოკაციულ ხასიათს ატარებს და სამხრეთ ოსეთის საგარეო საქმეთა სამინისტრო შესაბამის განცხადებას გააკეთებს". მომხდართან დაკავშირებით ქართული მხარე ჯერჯერობით ინფორმაციას არ ფლობს.