ოპოზიცია ხელისუფლებას ბიზნესმენ ქიბარ ხალვაშის ახლობლებისა და ნათესავების მიმართ ზეწოლის მცდელობაში ადანაშაულებს. როგორც "პირველს" "მოძრაობის ერთიანი საქართველოსთვის" პრეს-სამსახურიდან აცნობეს, ქუბარ ხალვაშის ოჯახის ახლობლებისა და ნათესავების ტელეფონებზე მუქარის ზარები განხორციელდა. კერძოდ, როგორც პარტიაში აცხადებენ, ნომრიდან 891 16 48 95, რომელიც აჭარის პოლიციის მაღალჩინოსანს ეკუთვნის, ხალვაშის ახლობლებს საპროტესტო აქციებში მონაწილეობის მიღების შემთხვევაში "სასტიკად დაემუქრნენ". ამასთან, პარტიის განცხადებით, ზეწოლის ფაქტები დაფიქსირდა ასევე "მოძრაობის ერთიანი საქართველოსთვის" ბათუმის რაიონული ორგანიზაციის წევრთა მიმართ.
წყარო „პირველი“