კატეგორიები
ჟურნალისტური მოკვლევა
სტატია
რეპორტაჟი
ანალიზი
ფოტო რეპორტაჟი
ექსკლუზივი
ინტერვიუ
უცხოური მედია საქართველოს შესახებ
რედაქტორის აზრი
პოზიცია
მკითხველის აზრი
ბლოგი
თემები
ბავშვები
ქალები
მართლმსაჯულება
ლტოლვილები / დევნილები
უმცირესობები
მედია
ჯარი
ჯანდაცვა
კორუფცია
არჩევნები
განათლება
პატიმრები
რელიგია
სხვა

შსს "რესპუბლიკელ" ვანო ლომიძის აღიარებით ჩვენებას ავრცელებს

29 აპრილი, 2009

შინაგან საქმეთა სამინისტრო „რესპუბლიკური პარტიის“  წევრის ვანო ლომიძის აღიარებით ჩვენებას ავრცელებს.

როგორც ეჭვმიტანილი აცხადებს, საკუთარ ავტომანქანას ცეცხლი გაპიარების მიზნით წაუკიდა.

„2008 წლის არჩევნებში „რესპუბლიკელების“ სიით ყვარლის რაიონში გავდიოდი კენჭისყრაზე. ყოველდღე პიარი მინდოდა, რომ ვიღაცამ ვიღაცას სცემა, ვიღაცამ ვიღაცა დააყაჩაღა. ვიფიქრე, გამოვიყენებდი სიტუაციას და საკუთარ მანქანას ცეცხლი წავუკიდე. მთავარი იყო გაპიარება",- განაცხადა ლომიძემ.

სამინისტროს ინფორმაციით, ექსპერტ კრიმინალისტების მიერ ვანო ლომიძის დამწვარი ავტომანქანისა და მიმდებარე ტერიტორიის დათვალიერებისას იპოვეს ბოთლი. ბოთლის ექსპერტიზის ჩატარებისას დადგინდა, რომ მასში მოთავსებული იყო ნავთობპროდუქტი, კერძოდ ბენზინი. კრიმინალისტიკურმა სამსახურმა აღნიშნული ბოთლიდან ამოიღო ანაბეჭდი, რომელიც იდენტურია ვანო ლომიძის ანაბეჭდთან.

„გამოძიების მიერ, ასევე, დადგენილია, რომ ვანო ლომიძეს კუთვნილი ავტომანქანა დაზღვეული ჰქონდა სადაზღვეო კომპანია „ალდაგი ბისიაიში“. შინაგან საქმეთა სამინისტროს კახეთის სამხარეო მთავარ სამმართველოში დაიწყო გამოძიება სისხლის სამართლის საქმეზე ვანო ლომიძის კუთვნილი ავტომანქანის დაწვის ფაქტზე. აღნიშნულ საქმეში ფიგურირებს მოწმე, რომლის ჩვენების საფუძველზე ირკვევა, რომ ვანო ლომიძემ 27 აპრილს, 23:00 საათიდან 23:30 წუთამდე მოწმისგან შეიძინა ბოთლით 2 ლიტრის ოდენობის ბენზინი“-აცხადებენ შსს-ში.

წყარო „ინტერპრესნიუსი“

ახალი ამბები