დღეს დილით, დაახლოებით 11:00 საათზე, რუსმა ოკუპანტებმა ე.წ ადმინისტრაციულ საზღვართან, ნაფატის დასახლებასთან გალის რაიონის სოფელ ჭუბურხინჯის მკვიდრი მერაბ დანელია დააკავეს. მოსახლეობის განცხადებით, დანელიას მსუბუქი ავტომანქანით ჭუბურხინჯიდან ზუგდიდის მიმართულებით ადგილობრივი მაცხოვრებლები გადაჰყავდა, რა დროსაც ოკუპანტებმა მას ავტომანქანიდან გადმოსვლა უბრძანეს და "საზღვრის უკანონო გადაკვეთის" ბრალდებით ადგილზე დააკავეს. რუსმა სამხედროებმა გაბუნია ადგილობრივ აფხაზურ მილიციას გადასცეს. ამ დროისთვის დანელია გალის აფხაზური მილიციის შენობაში იმყოფება, სადაც სეპარატისტები მის დაკითხვას აწარმოებენ.
წყარო „პირველი“