გუბაზ სანიკიძემ საზოგადოებას გააცნო ჯეიმს აპატურაის საანგარიშო წერილიდან ის ამონარიდი, სადაც იგი მედიის არაობიექტურობაზე საუბრობს. კერძოდ, აპატურაი ნატოში თავისი პრესსპიკერობის გამოცდილების შესახებ საუბრობს და აცხადებს, რომ მას თავისი ნათქვამის გადასხვაფერებისა და შეცდომითი თარგმნის შემთხვევა ჰქონდა მხოლოდ ქართულ დამოუკიდებელ ტელევიზიასთან ურთიერთობის დროს, როდესაც დამოუკიდებელმა ქართულმა ტელეარხმა მისი ნათქვამი სრულიად უკუღმა თარგმნა, რითაც გამოიწვია ერთი პოლიტიკური ჯგუფის ინტერესების გატარება.
“ეს არის ძალიან ნათელი დასტური იმისა, თუ როგორ მუშაობს ქართული მედია და როდესაც ჩვენ ქართული მედიის მახინჯ სახეზე ვსაუბრობთ, გვიკიჟინებენ, რომ ვართ სუბიექტურები, თუმცა, ჯეიმს აპატურაი, ალბათ ყველა დამერწმუნება, ქართველი ოპოზიციონერი არ არის”, - განაცხადა გუბაზ სანიკიძემ.
წყარო: ინტერპრესნიუსი