წუხელ გვიან ღამით პრეზიდენტის ავლაბრის რეზიდენციასთან განთავსებული საკნები და აქციის მონაწილეები დაარბიეს. ინფორმაციას ამის შესახებ ავრცელებენ ავლაბრის რეზიდენციასთან მიმდინარე აქციის მონაწილეები. მათი მტკიცებით, 18 ივნისს, გვიან ღამით, რეზიდენციასთან რამოდენიმე ათეული პოლიციის ფორმასა და სამოქალაქო ტანსაცმელში შემოსილი ადამიანი მივიდა და აქციის მონაწილეების ცემა და საკნების რბევა დაიწყო.
ოპოზიციის წარმომადგენლების განცხადებით, რომლებიც დარბევის შესახებ ინფორმაციის გავრცელებისთანავე მივიდნენ ინციდენტის ადგილას, ეს არის ხელისუფლების მორიგი პროვოკაცია, რომელიც საზოგადოების დაშინებას ისახავს მიზნად.
აქციის მონაწილეებმა დარბეული საკნები უკვე აღადგინეს. მათი განცხადებით, აქციის რამოდენიმე მონაწილე ნაცემია, ხოლო რამოდენიმეს საერთოდ ვერ პოულობენ.
„მოძრაობა ერთიანი საქართველოსთვის“ პრესმდივანმა ირინა ჯაბაურმა, ჩვენთან საუბარში განაცხადა, რომ ინციდენტის შემდეგ ვერ ხერხდება პარტიის სამ აქტივისტთან დაკავშირება. „ჩვენი მოძრაობის აქტივისტები, რომლებიც ავლაბრის რეზიდენციასთან მიმდინარე აქციის მონაწილეები იყვნენ, ამ ინციდენტის შედეგად უკვალოდ გაქრნენ. გვაქვს ეჭვი, რომ კოსტა კოკოზაშვილი, დათო ამაშუკელი და ჯუმბერ ჯიქია სამართალდამცავებმა დააპატიმრეს ან უარესი უბრალოდ გაიტაცეს.“
შინაგან საქმეთა სამინისტრო არ ადასტურებს ავლაბრის რეზიდენციასთან მიმდინარე აქციის მონაწილეთა დაკავების ფაქტს.
წუხელ გვიან ღამით ინციდენტის ადგილი მოინახულეს საქართველოში ევროკავშირის წარმომადგენლობის პოლიტიკურმა პაუკო ტენდმა და საქართველოს სახალხო დამცველმა... ორივემ შეშფოთება გამოხატა მომხდარის გამო, სოზარ სუბარმა ხელისუფლების მორიგი მიზანმიმართული პროვკაცია უწოდა.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
