აფხაზეთი ადამიანის უფლებათა დაცვის კუთხით შესაძლოა შავ ხვრელად გადაიქცეს. ამის შესახებ საუბარია ევროპის საპარლამენტო ასამბლეის საბჭოს რუსეთ-საქართველოს ომის ჰუმანიტარული შედეგების შემსწავლელი ჯგუდის წევრების, ლუკ ვან დერ ბრანდეს, მათიას ეორშისა და კორინ იონკერის ერთობლივ განცხადებაში, რომელიც დღეს ევროკავშირის ოფიციალურ ვებ-გვერდზე გამოქვეყნდა.
მომხსენებლები გამოთქვამენ შეშფოთებას, რომ რუსეთმა კონფლიქტის ზონაში გაეროს მისიის მუშოაბა დაბლოკა.
„გაეროს მისიის გარეში აფხაზეთი ადამიანის უფლებათა დაცვის კუთხით, შესაძლოა, შავ ხვრელად გადაიქცეს. მისიას საქართველოში საქმიანობის 15-წლიანი გამოცდილება ჰქონდა. ეს გამოცდილება არ უნდა დაიკარგოს“, - ნათქვამია განცხადებაში.
მომხსენებლები ყველა მხარეს სთხოვენ, იფიქრონ კონფლიქრების ზონაში ადამიანების უსაფრთხოებაზე და არა - პოლიტიკაზე.
„გაეროს მისიის წასვლის შემდეგ აფხაზეთში აღარ დარჩება დამოუკიდებელი საერთაშორისო მისია, რომელიც ადამიანის უფლებათა დაცვის კუთხით ვითარებას გააკონტროლებს. ამის გამო ის ხალხი დაზარალდება, რომლებიც გალის რაიონში ცხოვრობენ“, - ნათქვამია განცხადებაში.
აქვე აღნიშნულია, რომ გალის მასობრივად დატოვება მოსახლეობას არ სურს, თუმცა ადამიანის უფლებათა დაცვის გარანტიების გარეშე რაიონის დაცლა ქართული მოსახლეობისაგან რეალურია.
წყარო: „ინტერპრესნიუსი“
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
