დაახლოებით ორი კვირის წინ მაგისტრალზე სარეაბილიტაციო სამუშაოების ჩატარების მიზეზით ბუნებრივი აირის მიწოდება კახეთის ოთხ რაიონს, გურჯაანს, ყვარელს, ლაგოდეხსა და თელავს, მოგვიანებით კი კახეთის სხვა რაიონებსაც შეუწყდა. ამ დროისთვის ბუნებრივი აირი კახეთის ათობით სოფელს არ მიწოდება. ოფიციალურ მიზეზად გაზის სადისტრიბუციო კომპანიებში მაგისტრალზე სარეაბილიტაციო სამუშაოების ჩატარებას ასახელებენ, თუმცა ვერც ერთ რაიონულ კომპანიაში ვერ აკონკრეტებენ მაგისტრალის კონკრეტულად რომელ ნაწილზე ტარდება სარეაბილიტაციო სამუშაოები. სადისტრიბუციო კომპანიების წარმომადგენლები პირად საუბარში არ მალავენ, რომ ბუნებრივი აირის მიწოდება თხევადი გაზის გაყიდვის გამოა შეწყვეტილი.
წყარო: „კახეთის საინფორმაციო ცენტრი“