03:20, Sunday, 26.10.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

„კონსტიტუციურ უფლებათა დაცვის ცენტრი“ „სითი პარკს“ მძღოლების უკანონოდ დაჯარიმებაში ადანაშაულებს

09.07.2009
არასამთავრობო ორგანიზაცია „კონსტიტუციურ უფლებათა დაცვის ცენტრი“ შპს „სითი პარკის” მიერ მოქალაქეების უკანონოდ დაჯარიმებას აპროტესტებს.
 
ორგანიზაციის წარმომადგენლებმა გაარკვიეს, რომ „სითი პარკი“ არასწორი პარკირების გამო ევაკუირებული ავტომანქანების მძღოლებს კანონის დარღვევით აჯარიმებს. კერძოდ, ადმინისტრაციულ სამართალდარღვევათა კოდექსის 125-ე მუხლის პირველი დათქმის მიხედვით, “სითი პარკის” თანამშრომლებს აქვთ კანონიერი უფლება გადაიყვანონ ამკრძალავი ნიშნის ქვეშ მდგომი ავტომობილი შემოსაზღვრულ ტერიტორიაზე, მაგრამ მძღოლის მიერ პირადობის მოწმობის და მართვის მოწმობის წარდგენის შემთხვევაში ვალდებულნი არიან, დაუყოვნებლივ გადასცენ მესაკუთრეს მის საკუთრებაში მყოფი ავტოსატრანსპორტო საშუალება.

ორგანიზაციის ცნობით, კანონი არ უწესებს მოქალაქეს არც ჯარიმის გადახდის ვადას და არც შეზღუდვას _ ჯერ გადაიხადოს ევაკუირების თანხა და შემდეგ წაიყვანოს კუთვნილი ავტომობილი.

„მიუხედავად ამისა, “სითი პარკი” კანონის დარღვევით მძღოლებს არ აძლევს საკუთარი ავტოსატრანსპორტო საშუალებით სარგებლობის უფლებას, სანამ არ გადაიხდიან ჯარიმის თანხას 10 ლარის და ავტომობილის ევაკუირების თანხას _ 60 ლარის ოდენობით. აღნიშნულით მოქალაქეებს ერღვევათ საკუთრების უფლება, რადგან ისინი ვერ ახდენენ მათ მფლობელობაში მყოფი ნივთის გამოყენებას.

აღსანიშნავია  ისიც, რომ კანონში არსად არის მითითებული, რომ “სითი პარკის” წარმომადგენლებს აქვთ 60-ლარიანი ჯარიმის, როგორც კანონით გათვალისწინებული სავალდებულო გადასახადის, ამოწერის და მიგადაუხდელობის შემთხვევაში, მანქანის დაპატიმრების უფლება. ასევე აბსოლუტურად გაურკვეველია ტარიფის შესაბამისობა ტრანსპორტის ავტოსადგომზე გადაყვანის ხარჯებთან“, - განაცხადეს ორგანიზაციაში.

„კონსტიტუციურ უფლებათა დაცვის ცენტრი“ მოუწოდებს ყველა მძღოლს, ნუ გახდებიან უკანონობის მსხვერპლნი, მათ უფლება აქვთ ჯარიმის და ევაკუირების თანხის გადახდამდე, მხოლოდ პირადობის და მართვის მოწმობის წარდგენის  საფუძველზე საჯარიმო სადგომიდან გამოიყვანონ და ისარგებლონ საკუთარი ავტომობილებით.

წყარო: „ინტერპრესნიუსი“

Print Send to Friend Send to Facebook Tweet This
სახელი: ჯანსუღ მუმლაძე
2013-03-31 14:37
დღეს არასწორად და უკანონოდ მომტაცეს ავტომანქანა, არ გამომატანეს, ის კი არა გასაჩივრება მინდა და არ ვიცი როგორ მოვიქცე. შეგიძლიათ დამეხმაროდ? უკვე დავიღალე მაგათთან ჩხუბით. 557770635
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორ აფასებთ თბილისის ყოფილი მერის, გიგი უგულავას დაკავებას?
დააკავეს რეალური დანაშაულისათვის, საპროცესო ნორმების დაცვით დააკავეს რელური დანაშაულისათვის, მაგრამ საპროცესო ნორმების დარღვევით დააკავეს არარეალური ბრალდებით, პოლიტიკური მოტივებით მიჭირს პასუხის გაცემა

ბლოგი

მოჩვენებითი მშვიდობა ბალკანეთში
ხანგრძლივი და რთული მოსამზადებელი პერიოდის, წვალების შემდეგ 30 ივლისს სარაევოში ჩავფრინდით. ცუდი მეტეოპირობების გამო, დაფრენის დროს განცდილი დიდი შიშის მიუხედავად, თვითმფრინავის ილუმინატორიდან სარაევოს
ვრცლად...
მშიერი კომისიის წევრები და გაბრაზებული თავმჯდომარეები ბათუმში
ბეჭედი ნაკვეთურის გარეშე და ორსახელიანი ამომრჩეველი გურიაში
არქივი
    

რედაქტორის აზრი

რა დაემართა სამართლიანობის აღდგენის ოცნებას
"მართლმსაჯულების ხარვეზები“ - რბილად ასე ვუწოდებთ იმ სისტემურ პრობლემებს, რაც ქართულ მართლმსაჯულებას ექს-პრეზიდენტ მიხეილ სააკაშვილის მმართველობის წლებში ახასიათებდა. 
ვრცლად...
პატიმართა მასობრივი პროტესტის მიზეზები
შემოდგომის ბუზი
არქივი
თემები
კატეგორიები

Copyright © 2004 - 2014 HRIDC