დღეს სასჯელაღსრულების #2 მკაცრი და საერთო რეჟიმის დაწესებულებაში ახალი სამედიცინო ნაწილი გაიხსნება. სასჯელაღსრულების, პრობაციისა და იურიდიული დახმარების საკითხთა სამინისტროს ცნობით, ახალი სამედიცინო ნაწილი პირველადი ჯანდაცვისთვის საჭირო სტანდარტებს სრულად აკმაყოფილებს. „სრული აღჭურვილობა, მათ შორის, ახალი სტომატოლოგიური კაბინეტი სასჯელაღსრულების, პრობაციისა და იურიდიული დახმარების საკითხთა სამინისტროს მიერ იქნა შეძენილი. ამ დროისთვის სრული აღჭურვილობა ორ - #6 საპყრობილესა და #2 მაკაცრი და საერთო რეჟიმის დაწესებულებაშია შეტანილი და დამონტაჟებული. ახალი თანამედროვე სტანდარტის სამედიცინო ნაწილები სასჯელაღსრულების ყველა დაწესებულებაში მიმდინარე წლის სექტემბრის ბოლოსთვის იქნება გახსნილი”, - განმარატვენ სამინისტროში. მათივე ინფორმაციით, #2 მკაცრი და საერთო რეჟიმის დაწესებულებაში სამედიცინო ნაწილის გახსნას სასჯელაღსრულების, პრობაციისა და იურიდიული დახმარების საკითხთა მინისტრ დიმიტრი შაშკინთან ერთად პალამენტის წევრებიც დაესწრებიან.
წყარო: საინფორმაციო სააგენტო “პირველი”