სიღნაღში, რომლის რეაბილიტაციაზეც სახელმწიფო ბიუჯეტიდან მილიონობით ლარი დაიხარჯა, რუსთაველის ქუჩაზე მცხოვრებ მოსახლეობას საცხოვრებელი სახლები ენგრევა.
სიღნაღის მაცხოვრებლები ამბობენ, რომ სარეაბილიტაციო სამუშაოების დროს მშენებლებმა მესაკუთრეთა ნებართვის გარეშე სახლებს სახურავები გადახადეს და კრამიტით გადახურეს. ამის გამო, წვიმის დროს შენობებში წვიმა ჩადის.
რუსთაველის ქუჩაზე მაცხოვრებლების განცხადებით, დახმარებისათვის სიღნაღის მუნიციპალიტეტის გამგეობას არაერთხელ მიმართეს, მაგრამ უშედეგოდ. გამგეობაში განაცხადეს, რომ სარეაბილიტაციო სამუშაოები კერძო კომპანიამ განახორციელა და მოსახლეობამ პრეტენზიებით მას უნდა მიმართოს.
წყარო: კახეთის საინფორმაციო ცენტრი