კახეთის ქალაქებსა და სოფლებში მოქალაქეთა პირადობის მონაცემებს სამართალდამცავების შემდეგ უკვე „წყალკანალის“ თანამშრომლებიც აგროვებენ. ამის შესახებ კახეთის საინფორმაციო ცენტრს გურჯაანის და თელავის მაცხოვრებლებმა აცნობეს.
მოქალაქეების თქმით, „წყალკანალის“ თანამშრომლები მათ თანხის გადახდის დროს ოჯახის წევრთა პირადობის მოწმობების წარდგენას სთხოვენ და ამას იმით ხსნიან, რომ ორგანიზაციების მომხმარებელთა ბაზას ქმნიან.
ეს ინფორმაცია გურჯაანის და არც თელავის წყალკანალის ხელმძღვანელებმა არ დაადასტურეს.
კახეთის საინფორმაციო ცენტრი