პოლიციამ ოპოზიციის შვიდი აქტივისტი დააკავა

ექვს ახალგაზრდა ოპოზიციონერ აქტივისტს თბილისის საქალაქო სასამართლომ ადმინისტრაციული პატიმრობა, ხოლო ერთს 400-ლარიანი ჯარიმა შეუფარდა მას შემდეგ, რაც შვიდივე პოლიციამ 20 ივლისს პარლამენტის გვერდითა შესასვლელის მიმდებარე ტერიტორიაზე აქციის მსვლელობის დროს დააკავა.

ახალგაზრდული მოძრაობა ”შემოგვიართდის” წევრები საპროტესტო აქციას პრეზიდენტის პარლამენტში მისვლის წინ მართავდნენ. ისინი ტროტუარზე ისხდნენ და საპროტესტო ლოზუნგებს სკანდირებდნენ.

შსს-ს ცნობით, ახალგაზრდები საპატრულო პოლიციამ ”პარლამენტის ბლოკირების, წვრილმანი ხულიგნობისა და პოლიციისათვის დაუმორჩილებლობის ფაქტზე” დააკავა.

”საქალაქო სასამართლოს ადმინისტრაციულ საქმეთა კოლეგიამ მიუსაჯა პატიმრობა: გიორგი ბერულავას 12 დღით, მელორ ვაჩნაძეს 14 დღით, დათო  კოჩიევს 14 დღით, ედუარდ ხუხუნეიშვილს 12 დღით, თენგიზ დობორჯგინიძეს 12 დღით, ბადრი გოგიას 14 დღით, ხოლო  გიორგი დევნოზაშვილს დაეკისრა ადმინისტრაციული სახდელი, 400 ლარის ოდენობით,”- ნათქვამია შსს-ის ინფორმაციაში.

წყარო: „სივილ ჯორჯია“