ევროკავშირის სადამკვირვებლო მისიის მანდატი საქართველოში კიდევ ერთი წლით გახანგრძლივდა. ეს გადაწყვეტილება ევროკავშირის წევრმა სახელმწიფოებმა სპეციალურ შეკრებაზე მიიღეს. გადაწყვეტილების შესახებ ორგანიზაციის წევრი 27 ქვეყანა საგარეო საქმეთა მინისტრების შეხვედრაზე შეთანხმდა. „მისიის მანდატის გაგრძელება იმის დასტურია, რომ ევროგაერთიანება დაინტერესებულია რეგიონში სტაბილურობით და აგვისტოში ხელმოწერილი შეთანხმების შესრულებით“ - განაცხადა ევროკავშირის თავმჯდომარე ქვეყნის - შვედეთის საგარეო საქმეთა მინისტრმა კარლ ბილდტმა. შეგახსენებთ, რომ გაერო-სა და ეუთო-ს სადამკვირებლო მისიების მანდატს რუსეთის ფედერაციამ ვეტო დაადო.
წყარო: საინფორმაციო სააგენტო „პირველი“