სასაზღვრო პოლიციის ყოფილი უფროსი ბადრი ბიწაძე ადასტურებს, რამდენიმე დღის წინ გავრცელებულ ინფორმაციას იმის შესახებ, რომ თუშეთის მიმდებარე ტერიტორიაზე ქართველმა მესაზღვრეებმა საზღვარი რამდენიმე კილომეტრით გადმოწიეს.
ბიწაძე აცხადებს, რომ საქართველო რუსეთის საზღვრის დაღესტნის მონაკვეთსაც უკვე რუსები აკონტროლებენ. „ადრე იმ ტერიტორიას ქართული სპეცდანიშნულების რაზმი აკონტროლებდა. ახლა იქ უკვე რუსები არიან. რუსებმა თუშეთშიც ისევე გადმოწიეს საზღვარი, როგორც მამისონსა და ყაზბეგში“, - აღნიშნავს სასაზღვრო პოლიციის ყოფილი ხელმძღვანელი.
საქართველოს შს სასაზღვრო პოლიციაში აღნიშნულ ინფორმაციას არ ადასტურებენ. სასაზღვრო პოლიციის მტკიცებით, საზღვარი, განსაკუთრებით ჩრდილოეთის მიმართულებით, მკაცრად კონტროლდება.
კახეთის საინფორმაციო ცენტრი