აფხაზეთის მთავრობის თავმჯდომარის, გია ბარამიას მიმართვიდან დაახლოებით ერთ საათში აფხაზეთის ტერიტორიიდან მოქალაქე გადმოვიდა, რომელიც აცხადებს, რომ გუდაუთელი თამაზ ლაკერბაიაა.
მისი თქმით, აფხაზეთში არის საკმაოდ დაძაბულობა და რუსმა ოკუპანტებმა აფხაზებს ყველაფრის უფლება წაართვეს.
„პროტესტის ნიშნად გადმოვედი ენგურის ხიდზე, შევხვდი გია ბარამიას და საქართველოს მოქალაქეობა ვითხოვე“,-აღნიშნა მან.
თამაზ ლაკერბაია ამბობს, რომ აფხაზეთში ოჯახის წევრები დატოვა, მაგრამ იძულებული იყო გადმოსულიყო და საქართველოს მოქალაქეობა ეთხოვა.
აფხაზეთში ომის დაწყების 17 წლისთავთან დაკავშირებით, გია ბარამიამ აფხაზ ხალხს ენგურის ხიდიდან დღეს მიმართა.
წყარო: „ინტერპრესნიუსი“