საქართველოს ფეხბურთის ფედერაცია (სფფ) რუსეთის ფეხბურთის ფედერაციას უჩივის. სქმე ისაა, რომ რუსეთის ფეხბურთის ჩემპიონატის აღმოსავლეთ ლიგაში საქართველოს ჩემპიონატში მოასპარეზე „სპარტაკის“ სეხნია გუნდი, ე. წ. სამხრეთ ოსეთის „ცხინვალის სპარტაკი“ მონაწილეობს. FIFA-ს და UEFA-ს წესდების მიხედვით კი, რუსეთის ფედერაციას უფლება არ ჰქონდა, არაღიარებული ქვეყნის კლუბი თავის ჩემპიონატში დაერეგისტრირებინა. საქართველოს ფეხბურთის ფედერაციაში აცხადებენ, რომ აღნიშნულ ფაქტს საერთაშორისო ორგანიზაციებში აუცილებლად გააპროტესტებენ. „იმ შემთხვევაში, თუ რუსეთი „ცხინვალის სპარტაკს“ ათამაშებს, რუსეთი FIFA-დანაც და UEFA-დანაც გაირიცხება“,- განაცხადეს სფფ-ში.
წყარო: საინფორმაციო სააგენტო პირველი