ისრაელში საქართველოს რვა მოქალაქე დააკავეს

ტელეკომპანია „რუსთავი 2“-ის ინფორმაციით, ისრაელის საემიგრაციო პოლიციის თანამშრომლებმა ისრაელ-ეგვიპტის საზღვარზე საქართველოს რვა მოქალაქე დააკავეს, რომლებიც ისრაელის ტერიტორიაზე უკანონო შესვლაში არიან ეჭვმიტანილები.

დაკავებულთა შორის არიან ქალბატონი 15 წლის ვაჟთან ერთად, რომლებიც ისრაელში სამუშაოდ მიდიოდნენ.

ყველა დაკავებული  პოლიციის განყოფილებაში დასაკითხად გადაიყვანეს. მათ დეპორტაცია ემუქრებათ.

არსებული ინფორმაციით, ბოლო თვეებში ქართველი არალეგალების რიცხვმა ევროპაში და ისრაელში მნიშვნელოვნად მოიმატა.

წყარო: „ინტერპრესნიუსი“