ფილიპინებზე დაკავებული ქართველი მეზღვაურები მძიმე მდგომარეობაში არიან და დახმარებას საქართველოს ხელისუფლებას სთხოვენ. ამის შესახებ „ინტერპრესნიუსს“ ერთ-ერთმა დაკავებულმა, თამაზ მალაყმაძემ ტელეფონით მანილადან აცნობა.
„ჩვენ მანილას საემიგრაციო ბანაკში ვართ, აქ საკვებისა და წყლის უკმარისობაა. ძალიან მძიმე მდგომარეობაში ვართ. თუმცა, ამ დრომდე ვითარების გასარკვევად და ჩვენს დასახმარებლად არავინ მოსულა. 4 დღის წინ კი მანილას ბანაკში მყოფი 13 დაკავებული ქართველიდან 5 წაიყვანეს და მათი ადგილ-სამყოფელის შესახებ არაფერი ვიცით“, - განაცხადა თამაზ მალაყმაძემ.
ფილიპინებზე პანამის დროშის ქვეშ მცურავი გემი, რომლის ეკიპაჟის 13 წევრიც საქართველოს მოქალაქეა, 17 აგვისტოს დააკავეს.
არსებული ინფორმაციით, გემს კონტრაბანდული იარღაი გადაჰქონდა.
წყარო: „ინტერპრესნიუსი“