11 სექტემბერს, ორგანიზაცია “დემოკრატიული ლიგის” წევრები ზესტაფონი-თერჯოლის მონაკვეთზე საპროტესტო აქციას მართავდნენ. მას შემდეგ, რაც აქტივისტებმა ზესტაფონის გამგეობის მიმდებარე ტერიტორიაზე საპროტესტო შინაარსის პლაკატების გაკვრა მოასწრეს, მათ მანქანას, როგორც ლიგის ვიცე-პრეზიდენტმა შოთა აფხაიძემ დაკავებული სამარშრუტო ტაქსიდან ტელეფონით გვაცნობა, 3 ჯიპი და საპატრულო პოლიციის რამოდენიმე ავტომობილი წამოეწია.
აფხაიძის გადმოცემით, სავარაუდოდ, რეგიონალური პოლიციის ერთ-ერთმა ჩინოსანმა აქციის ხელმძღვანელს, ხათუნა შიუკაშვილს ხელიდან მობილური ტელეფონი გამოსტაცა და ფიზიკური შეურაცხყოფა მიაყენა. ათამდე აქტივისტი მათ მიერვე დაქირავებულ სამარშრუტო ტაქსში (ფორდ-ტრანზიტი ZDZ-564) დააკავეს. დაკავებულთა ინფორმაციით, სამართალდამცავები ახალგაზრდებს არ აძლევდნენ მანქანიდან გადმოსვლის საშუალებას. საბოლოოდ, მძღოლი 30 ლარით დააჯარიმეს და აქტივისტები ტერიტორიიდან გაიყვანეს. აქციის მონაწილეებმა გზა დასავლეთ საქართველოსკენ განაგრძეს.
გიორგი ჯანელიძე
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
