ახალი სახალხო დამცველი უფლებამოსილების შესრულებას ხვალიდან შეუდგება

ახალი სახალხო დამცველი გიორგი ტუღუში უფლებამოსილების შესრულებას ხვალიდან შეუდგება.

ამის შესახებ ინფორმაციას  სახალხო დამცველის ოფისი ავრცელებს. მათივე ცნობით, ტუღუში ხვალვე, 13:00 საათზე, ჟურნალისტებისთვის პრესკონფერენციას გამართავს.

ტუღუში საქართველოში დღეს საღამოს ჩამოდის. ახალი სახალხო დამცველი უფლებამოსილების შესრულებას 17 სექტემბრიდან უნდა შესდგომოდა, თუმცა საქართველოში არ ყოფნის გამო ტუღუში ხვალიდან იწყებს მოვალეობის შესრულებას. სოზარ სუბარს ვადა 16 სექტემბერს ამოეწურა. გიორგი ტუღუში სახალხო დამცველის პოსტზე საპარლამენტო უმრავლესობამ წარადგინა. 

წყარო: „ინტერპრესნიუსი“