ოჯახური ძალადობის მსხვერპლი, ორი შვილის დედა ირმა ვარაზაშვილი, პროტესტის ნიშნად, გურჯაანის რაიონული სასამართლოს მოსამართლე ლია ოთარაშვილის მისაღებში თვითმკვლელობით იმუქრება.
მოსამართლის გადაწყვეტილებით ირმა ვარაზაშვილი მამამთილის სახელზე რიცხული საცხოვრებელი სახლიდან გამოასახლეს. ირმა ვარაზაშვილს ორი პატარა ბავშვი ჰყავს. სასამართლოს გადაწყვეტილებაში ბავშვების შესახებ არაფერი არ არის ნათქვამი. შესაბამისად, უცნობია, ბავშვები სად და ვისთან რჩებიან. ირმა ვარაზაშვილის მეუღლე ფსიქიური ავადმყოფია. ვარაზაშვილების მეზობლების თქმით, მამას ბავშვები არაერთხელ ჰყავს ნაცემი და ღამით სახლიდან გაუყრია კიდეც.
ცნობისათვის, ლია ოთარაშვილი ის მოსამართლეა, რომელმაც 2008 წელს მიცვალებული გაასამართლა და გარდაცვლილს გადასახადის გადახდა დააკისრა.
კახეთის საინფორმაციო ცენტრი