17:31, Sunday, 17.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

დიმიტრი ლორთქიფანიძემ პარლამენტში დროებითი საგამოძიებო კომისიის შექმნის მოთხოვნით პარლამენტის ბიუროს მიმართა

25.09.2009
საპარლამენტო ფრაქციამ „ძლიერი საქართველო“ პარლამენტის ბიუროს ოფიციალურად მიმართა პარლამენტში დროებითი საგამოძიებო კომისიის მოთხოვნით, რომელიც პატიმრების კანონდარღვევით შეწყალების პრაქტიკას შეისწავლის.

„ძლიერი საქართველოს” წევრმა და კომისიის შექმნის ინიციატორმა დეპუტატმა დიმიტრი ლორთქიფანიძემ დღეს გამართულ პრესკონფერენციაზე განაცხადა, რომ შესაბამის განცხადებას პარლამენტის საორგანიზაციო დეპარტამენტს დღეს ჩააბარებს.

დეპუტატმა დღევანდელ პრესკონფერნციაზე კიდევ ერთხელ ისაუბრა პრეზიდენტის განცხადებაზე, რომ გადასახედია შეწყალების პოლიტიკა და განაცხადა, რომ პრეზიდენტის განცხადებიდან გამომდინარეც, უნდა გაირკვეს რა პრინციპით ხდება შეწყალება საქართველოში.

მისი თქმით, საგამოძიებო კომისია შექმნის შემთხვევაში შეისწავლის როგორც შეწყალების პოლიტიკას და იქ არსებულ პრობლემებს, ასევე საბოლოოდ გაირკვევა პოლიციელის მკვლელობისთვის ეჭვმიტანილი რატი რეხვიაშვილის შეწყალების საქმეც.

დიმიტრი ლორთქიფანიძემ ასევე აღნიშნა, რომ წარსულში ორჯერ ნასამართლევი რეხვიაშვილის ციხიდან გამოშვება შეწყალების კომისიის გვერდის ავლით მოხდა და რაც ყველაზე მნიშვნელოვანია, შეწყალების თხოვნით არც მას და არც მის ოჯახს არც კომისიისთვის მიუმართავს და არც პრეზიდენტისთვის.

ამას გარდა, დღევადელ ბრიფინგზე ლორთქიფანიძემ კიდევ ერთხელ განმარტა, რომ 2008 წლის 17 დეკემბრის შეწყალების აქტით 1287 შეწყალებულ პატიმართა შორის 300 მძიმე და განსაკუთრებით მძიმე კატეგორიის დანაშაულისათვის მსჯავრედებული პირი შეწყალებული იქნა პრეზიდენტის უფლებამოსილებით, შეწყალების კომისიის გვერდის ავლით. სწორედ ამ სიაში მოხვდა რატი რეხვიაშვილიც და დღემდე პასუხგაუცემელი რჩება კითხვა, თუ რომელმა უწყებამ წარუდგინა პრეზიდენტს შესაწყალებელ პატიმართა სია.

„შეწყალების კომისიის თავმჯდომარის ელენე თევდორაძის საჯაროდ გაკეთებული განაცხადებით, მისდამი რწმუნებულ კომისიას აღნიშნული სია პრეზიდენტისთვის არ წარუდგენია. მანვე განაცხადა, რომ ასეთ სიებს ადგენს მთავარი პროკურატურა, და მისი განცხადებითვე, კომისიის მიერ  შესაწყალებელ პირთა მიმართ მიღებული გადაწყვეტილება მთავარ პროკურატურაში გადის დამატებით კონსტროლს“, - განაცხადა დიმიტრი ლორთქიფანიძემ და ხაზი გაუსვა იმ გარემოებას, რომ პროცესში მონაწილეობას სოფლის მეურნეობის სამინისტროც კი იღებს.
 
უზნაძის ქუჩაზე მომხდარ გახმაურებულ მკვლელობასთან დაკავშირებით კი დიმიტრი ლორთქიფანიძე აცხადებს, რომ უტყუარი მტკიცებულებებით უნდა გაეცეს პასუხი შეკითხვებს - თუ როგორ მოახერხა ერთმა ადამიანმა სამი პოლიციელის დაჭრა, ვინ დააკავა იგი და ვინ არის ამ ინციდენტისას ძარცვაში დაზარალებული ქალაბატონი.
 
საგამოძიებო კომისიის შექმნის ინიციატივას მხარს უჭერს მთლიანად საპარლამენტო უმცირესობა.

წყარო: „ინტერპრესნიუსი“

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC