„ტალიავინის კომისიის“ დასკვნა დღეს გამოქვეყნდება

რუსეთ-საქართველოს კონფლიქტის გამომწვევი ფაქტების დამდგენი მისიის, ე.წ „ტალიავინის კომისიის“ დასკვნა დღეს გამოქვეყნდება. ამის შესახებ ინფორმაციას მისიის ხელმძღვანელის მოადგილე უვე შრამი ავრცელებს.
 
 როგორც გუშინ საგარეო საქმეთა მინისტრის მოადგილემ დავით ჯალაღანიამ განაცხადა, ქართული მხარის ინფორმაციით, დასკვნა ადგილზე გადაეცემა  საქართველოსა და რუსეთის ელჩებს და ასევე გამოქვეყნდება მისიის ვებ-გვერდზე და ფართო საზოაგოებისთვისაც ხელმისაწვდომი გახდება.

საქართველო მისიის მუშაობის პერიოდში მასთან აქტიურად თანამშრომლობდა და ყველა მოთხოვნილ ინფორმაციას აწვდიდა. ქართული მხარე იმედოვნებს, რომ დასკვნა ობიექტური და მიუკერძოებელი იქნება.

„ტალიავინის კომისიის“ დასკვნა გაცილებით ადრე უნდა გამოქვეყნებულიყო, თუმცა, რამდენჯერმე გადაიდო.

წყარო: „ინტერპრესნიუსი“