ენგურის გადმოსასვლელზე რუსმა სამხედროებმა მგზავრები დააკავეს

დღეს დილით ენგურის გადმოსასვლელზე რუსმა სამხედროებმა სამგზავრო ავტობუსი გააჩერეს და მგზავრები დააკავეს. ამის შესახებ ინფორმაციას სამეგრელო-ზემო სვანეთში აფხაზეთის მთავრობის წარმომადგენლობის უფროსის მოადგილე, თორნიკე კილანავა ავრცელებს.

„ენგურის გადმოსასვლელზე რუსმა სამხედრობმა ავტობუსი გააჩერეს და მგზავრები გალის მილიციის განყოფილებაში გადაიყვანეს. მძღოლების ადგილ-სამყოფელის შესახებ ინფორმაცია არ გვაქვს“, - აღნიშნა კილანავამ.

მისივე ინფორმაციით, ავტობუსი გალის რაიონის სოფელ საბერიოდან ზუგდიდის მიმართულებით მოძრაობდა. ამდენად, დაკავებული მგზავრები სავარაუდოდ, გალის რაიონის მცხოვრებლები არიან.

წყარო: „ინტერპრესნიუსი“