06:43, Sunday, 05.04.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

„მემარჯვენეები“ ხელისუფლებას სთხოვენ, შეწყვიტოს სატელევიზიო არხების პროპაგანიდის მიზნით გამოყენება

12.10.2009
„ახალი მემარჯვენეები“ ხელისუფლებას სთხოვენ, შეწყვიტოს სატელევიზიო არხების პროპაგანიდის მიზნით გამოყენება.

ამის შესახებ ნათქვამია განცხადებაში, რომელიც „ახალმა მემარჯვენეებმა“ დღეს გაავრცელეს.

განცხადების მიხედვით, 7 ოქტომბერს  ტელეკომპანიებმა გაავრცელეს ინფორმაცია, რომ ტალიავინის მისიის ექსპერტთა ჯგუფის ერთ-ერთმა  წევრმა, „გაზპრომისგან“ „ჰონორარი“ მიიღო. ცოტა ხნის წინ კი ტელეარხები გერმანიის ყოფილი საგარეო საქმეთა მინისტრის, ფრანკ-ვალტერ შტაინმაიერის „გაზპრომში“ სამუშაოდ გასავლის შესახებ იუწყებოდნენ.

„სამწუხაროდ, იგივე არხებს არ გაუვრცელებიათ და დღემდე საზოგადოებისთვის უცნობია ინფორმაცია იმის თაობაზე, რომ გერმანიის საელჩომ საქართველოში 8 ოქტომბერს გამოქვეყნებული განცხადებით ქართული მედიისგან, გერმანიის საგარეო საქმეთა მინისტრისა და კომისიის წევრების შესახებ გავრცელებული „მცდარი ინფორმაციის“ შესწორება მოითხოვა. გერმანიის საელჩო კატეგორიულად უარყოფს ქართულ მედიაში გამოთქმულ სპეკულაციებს, და იმედოვნებს, რომ მომავალში აღარ ექნება ადგილი მსგავს ჟურნალისტურ შეცდომებს“, - ნათქვამია „ახლების“ განცხადებაში.

აქვე აღნიშნულია, რომ ეს პირველი შემთხვევა არ არის, როცა „ხელისუფლების მიერ კონტროლირებადი  სატელევიზიო არხები ფაქტებს ამახინჯებენ და ეწევიან დეზინფორმაციას, რაც ადამიანის ერთერთი ძირითადი უფლების – მიიღოს უტყუარი ინფორმაცია, უხეში დარღვევა“.

„მემარჯვენეები“ მიიჩნევენ, რომ სატელევიზიო არხები ხშირად ამახინჯებენ საქართველოში მოქმედი საერთაშორისო ორგანიზაციებისა და დიპლომატიური კორპუსის წარმომადგენლების კომენტარებსაც და მოსახლეობას მათი ინტერვიუებისა და გამოსვლების  არასწორ თარგმანს აწვდიან.

„საქართველოსა და აშშ–ს შორის 2009 წლის 15 იანვარს გაფორმებული სტრატეგიული თანამშრომლობის ქარტიის თანახმად, ქართული მხარე იღებდა ვალდებულებას მედიის თავისუფლების, ობიექტური ახალი ამბებისა და ინფორმაციის ხელმისაწვდომობის შესახებ. აღებულ ვალდებულებათა შესრულების კონტექსტში ნამდვილად არ ჯდება, რაც დღეს ნაციონალურ სიხშირეზე მომუშავე სატელევიზიო არხებზე ხდება. მოვითხოვთ ხელისუფლებისგან, თავი დაანებოს სატელევიზიო არხების გამოყენებას პროპაგანდის მიზნით, მოვითხოვთ ამ სატელევიზიო არხების ხელმძღვანელობისგან, მოსახლეობას მიაწოდონ ხელისუფლების გავლენისგან თავისუფალი ინფორმაცია“, - ნათქვამია განცხადებაში.

წყარო: „ინტერპრესნიუსი“

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

აპოკალიფსი არ იქნება
  ჩვენი ქვეყნის სახელმწიფოებრიობის მრავალსაუკუნოვანი ისტორიის მიუხედავად, სწორედ ახლა არის დრო, როცა საქართველოში პასუხისმგებლიანი სამოქალაქო საზოგადოების ჩამოყალიბება შეგვიძლია, რამაც მნიშვნელოვნად უნდა
ვრცლად...
საგანგებო მდგომარეობის გავლენა საპარლამენტო არჩევნებზე
შშმ მსჯავრდებულთა უფლებები პენიტენციურ დაწესებულებაში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC