საქართველოს პირველი პრეზიდენტის ზვიად გამსახურდიას ვაჟს ცოტნე გამსახურდიას სასამართლომ წინასწარი ორთვიანი პატიმრობა შეუფარდა. ბრალდებულის ადვოკატმა ქეთი ბექაურმა განაცხადა, რომ სასამართლომ გამსახურდიას წინასწარი პატიმრობა უკანონოდ შეუფარდა და გადაწყვეტილება უახლოესი 48 საათის განმავლობაში აუცილებლად გასაჩივრდება.
საქართველოს პირველი პრეზიდენტის ზვიად გამსახურდიას ვაჟი ცოტნე გამსახურდია სამართალდამცველებმა 27 ოქტომბერს მოქალაქე დავით ბაჯელიძის დაჭრის ბრალდებით დააკავეს. მას ბრალი განზრახ მკვლელობისა და იარაღის უკანონოდ შეძენა-შენახვა-ტარების მუხლებით წაუყენეს.
გამსახურდია აღნიშნულ ბრალდებას უარყოფს. ცნობისთვის, ეს ცოტნე გამსახურდიასთვის წაყენებული მეორე ბრალდებაა: მას უკვე ჰქონდა წაყენებული ბრალდება სისხლის სამართლის კოდექსის 315-ე მუხლით, რომელიც სახელმწიფო ხელისუფლების დამხობის მიზნით შეთქმულებას ითვალისწინებს და არასაპატიმრო ღონისძიება ჰქონდა შეფარდებული. საქმე ეხება 2007 წლის 7 ნოემბერს, ოპოზიციის მიერ გამართული აქციების დროს გავრცელებულ ვიდეო-ჩანაწერებს, რომელშიც ცოტნე გამსახურდიას რუსეთთან კავშირზეა საუბარი.
წყარო: საინფორმაციო სააგენტო „პირველი“
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
