გალის რაიონიდან გატაცებული ორი ადგილობრივი მკვიდრი თავისუფალია

გალის რაიონის სოფელ თაგილონიდან 2 დღის წინ გატაცებული ორი ადგილობრივი მკვიდრი ამ დროისთვის უკვე თავისუფალია. ამის შესახებ სამეგრელო ზემო-სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელმა თორნიკე კილანავამ განცხადება.

„შარია და თორია სოხუმში ჰყავდათ, სადაც ე. წ. საზღვრის დარღვევისთვის გაასამართლეს. სოხუმში ამგვარ საქმეებს ვინმე იგორ ფროლოვი განიხილავს. ე. წ.  საზღვრის დარვევის პირველ ფაქტზე ჯარიმა 200 რუბლია, ხოლო განმეორების შემთხვევაში 2000 ლარის ეკვივალენტი რუბლებში. შარიამ და თორიამ 200 რუბლის ოდენობის ჯარიმა გადაიხადეს და ისინი ამ დროისთვის უკვე საკუთარ სახლებში არიან“, - განაცხადა კილანავამ.

რუსმა მესაზღვრეებმა სოფელ თაგილონის ორი მაცხოვრებელი ორი დღის წინ დააკავეს.

წყარო: „ინტერპრესნიუსი“