სიღნაღში მუშებმა საპროტესტო აქცია გამართეს. სამშენებლო კომპანია „თბილისისგან“ კუთვნილ ხელფასს მეათე თვეა, უშედეგოდ ითხოვს 30-მდე ადამიანი, რომლებიც სიღნაღში სარეაბილიტაციო სამუშაოებზე იყვნენ დასაქმებულნი.
აქციის მონაწილეებს მხარდაჭერა „ახალი მემარჯვენეების“ სიღნაღის რაიონული ორგანიზაციის ხელმძღვანელმა მალხაზ ხუციშვილმაც გამოუცხადა.
„სიღნაღის გამგებელმა მუშებს ხელფასების გადახდის პირობა მაისში მისცა, მაგრამ მოატყუა. ხალხი ლუკმა - პურის გარეშეა დარჩენილი, ამუშავეს და ანაზღაურებას არ აძლევენ. სამშენებლო კომპანიები, რომლებიც ხელფასს არ იხდიან, „ნაციონალურ მოძრაობას“ ეკუთვნის და მისი დამფუძნებლები პარლამენტში სხედან, მამუკა ჩარკვიანის სახით, თორემ ამ ხელისუფლებას იმდენად კარგად ეხერხება ბიზნესის დაწიოკება, აქამდე თანხებს ათჯერ გადაახდევინებდნენ“, - განაცხადა მალხაზ ხუციშვილმა.
სამშენებლო კომპანია „თბილისის“ გენერალური დირექტორის გონელი ყურაშვილის განცხადებით, სახელფასო დავალიანებები არსებობს, ოღონდ მათი გადასახდელი არ არის.
„სიღნაღის რეაბილიტაციაზე მუშაობდნენ ჩვენს მიერ დაქირავებული სხვა ორგანიზაციები და ვალებიც მათ უნდა გაისტუმრონ“, - აღნიშნა ყურაშვილმა.
კახეთის საინფორმაციო ცენტრი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
