18:25, Monday, 23.09.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

რეგიონული მედიის ასოციაცია გაზეთ „ბათუმელებზე“ ზეწოლას აპროტესტებს

01.12.2009
გაზეთ „ბათუმელებზე“ განხორციელებულ ზეწოლასთან დაკავშირებით საქართველოს რეგიონული მედიის ასოციაციამ განცხადება გაავრცელა.

საქართველოს რეგიონული მედიის ასოციაცია აპროტესტებს დამოუკიდებელ რეგიონული გამოცემების მიმართ მიზანმიმართული შანტაჟის პოლიტიკას, რომელიც ბოლო პერიოდში კიდევ უფრო გაძლიერდა და გაუსაძლისი ფსიქოლოგიური წნეხის სახე მიიღო.

„ამ პოლიტიკის ბოლო თვალნათელი მაგალითია გაზეთ „ბათუმელების“ მიმართ წამოწყებული კამპანია „მრავალფეროვანი“ მეთოდებით - დაშანტაჟებიდან გადაბირების მცდელობამდე.

ჩვენ არაერთხელ მივმართეთ საზოგადოებას, რომ მოახლოებული არჩევნების ფონზე, კიდევ უფრო გამძაფრდებოდა თავდასხმები იმ მცირე რაოდენობის მედიასაშუალებებზე, რომლებიც სარედაქციო დამოუკიდებლობას და მიუკერძოებლობას პროფესიულ ვალდებულებად თვლიან. სამწუხაროდ, ჩვენს პროგნოზს, კონკრეტული შემთხვევების რეზონანსირება, სათანადო რეაგირება და მნიშვნელოვანი სოლიდარობის გამოვლენა არ მოჰყოლია.

არ გვაქვს იმედი, რომ სიმართლე ამჯერად მაინც დადგინდება, რადგან, ჩვენი ქვეყნის მკაცრად ცენტრალიზებულ მმართველობით სისტემაში „ზემოდან“ ნებართვის გარეშე არაფერი ხდება. ხოლო, მედია და ის ორგანიზაციები, რომელთა ფუნქცია მედიის დაცვაა, კონსოლიდაციასა და ეფექტური თავდაცვის მექანიზმების შექმნას ვერ ახერხებენ“, - ნათქვამია ასოციაციის განცხადებაში.

საქართველოს რეგიონული მედიის ასოციაცია მოუწოდებს ყველას, ვისთვისაც სულ ერთი არ არის, იარსებებს თუ არა საქართველოში თავისუფალი გაზეთები, სიტყვის, გამოხატვის, მრავალფეროვანი არჩევანის თავისუფლება - დაუყოვნებლივ გამოვხატოთ ჩვენი დამოკიდებულება, მოვახდინოთ რეაგირება მომხდარ ფაქტთან დაკავშირებით.

კახეთის საინფორმაციო ცენტრი უერთდება ასოციაციის განცხადებას და მხარდაჭერას უცხადებს გაზეთ „ბათუმელების“ რედაქციას. მივმართავთ საქართველოს მთავარ პროკურორს მურთაზ ზოდელავს და საქართველოს სახალხო დამცველს გიორგი ტუღუშს, დაუყოვნებლივ დაიწყონ მომხდარის გამოძიება“.


კახეთის საინფორმაციო ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC