პორტალი ადამიანის უფლებების შესახებ
გიგი უგულავას მხარდამჭერებს რეგიონებიდან თბილისში არეგისტრირებენ
08.12.2009
„ნაციონალური მოძრაობა“ თბილისის მერის არჩევნების გაყალბებისათვის უკვე ემზადება. 2010 წლის ადგილობრივი თვითმმართველობის არჩევნებში გიგი უგულავას მხარდაჭერისთვის მმართველმა პარტიამ რეგიონებში მცხოვრები მოქალაქეების თბილისში რეგისტრაცია დაიწყო.
რამდენიმე რეგიონიდან გვაცნობეს, რომ დედაქალაქის მერობის კანდიდატის, გიგი უგულავას მხარდასაჭერად „ნაციონალური მოძრაობის“ კოორდინატორები უკვე გააქტიურდნენ. მათ რეგიონის მოქალაქეებს, თბილისის მოქმედი მერის მხარდაჭერის სანაცვლოდ, თბილისში დარეგისტრირება და სხვადასხვა ტიპის დახმარებები შესთავაზეს.
როგორც ქვემო ქართლიდან ინფორმირებული წყარო იუწყება, დავით კირკიტაძის „საგუბერნიოში“ მოსახლეობისთვის პირადობის მოწმობების ჩამორთმევა და შეცვლა უკვე დაიწყო. „დაზუსტებით ვიცით, რომ ჩვენი სოფლიდან რამდენიმე ადამიანს, თბილისში დარეგისტრირების მიზნით, პირადობის მოწმობები ჩამოართვეს. ეს პროცესი გრძელდება. თუმცა, ზუსტად ვერ გეტყვით, „ნაციონალური მოძრაობის“ რეგიონალურ და რაიონულ კოორდინატორებს თბილისში რამდენი ადამიანის „გადასახლება“ აქვთ დავალებული“, - აცხადებენ სააგენტოსთან საუბარში ქვემო ქართლის მაცხოვრებლები, რომელთაც აღნიშნული ინფორმაციის გადამოწმების მიზნით, ადგილზე შევხვდით.
რეგიონების მოსახლეობის თბილისში რეგისტრაციის საკითხი შინაგან საქმეთა სამინისტროს კონსტიტუციური უსაფრთხოების დაცვის დეპარტამენტის პრიორიტეტული გეგმის შემადგენელი ნაწილიც არის. დათა ახალაიას უწყება საკუთარი თანამშრომლებისა და ხელისუფლების მხარდამჭერი დედაქალაქის მოქალაქეების საცხოვრებელ ბინებში „გიგი უგულავაზე შეყვარებული“ რეგიონის მოსახლეობის რეგისტრაციას ახორციელებს.
არჩევნებისათვის რეგიონების მოსახლეობის თბილისში რეგისტრაციის შესახებ თავის დროზე „ალიანსი საქართველოსთვის“ თანათავმჯდომარე, ყოფილი სახალხო დამცველი სოზარ სუბარიც საუბრობდა და ამტკიცებდა, რომ ხელისუფლება ადგილობრივი თვითმმართველობის არჩევნების გაყალბების მიზნით, ინოვაციურ სქემებს ამუშავებდა. კერძოდ, ყოფილი ომბუდსმენის ინფორმაციით, არჩევნების გაყალბების მიზნით, ხელისუფლებამ რაიონებში მოქმედ „ნაციონალური მოძრაობის“ ხელფასიან კოორდინატორებს რეგიონებში მცხოვრები მოქალაქეების თბილისში დარეგისტრირება დაავალა.
„ამ სქემის მიხედვით, ხელისუფლება თბილისში რეგიონებში მცხოვრები 75 000 ამომრჩევლის დარეგისტრირებას აპირებს. ხელისუფლების ვარაუდით, ამ გზით თბილისის თითოეულ საარჩევნო უბანზე დაახლოებით 70-დან 100-მდე ადამიანის დარეგისტრირება უნდა მოხდეს. თუ გავითვალისწინებთ, რომ თბილისში სულ 750-მდე უბანია, ეს დაახლოებით 75 000 დამატებით არათბილისელ ამომრჩეველს ნიშნავს“, - განაცხადა სუბარმა.
თვითთმმართველობისა და დედაქალაქის მერის არჩევნები სავარაუდოდ, 2010 წლის მაისის ბოლოს გაიმართება.
წყარო: საინფორმაციო სააგენტო „პირველი“
დატოვეთ თქვენი კომენტარი
სხვა სიახლეები
შსს: ტერორისტული აქტის ჩადენის მცდელობა მომზადების სტადიაზე იქნა აღკვეთილი
ირაკლი ღარიბაშვილი - თალიბების სახელით გავრცელებული ვიდეო საქართველოდან არის ატვირთული
თბილისში დარღვევით განხორციელებული მშენებლობების მწარმოებელი პირები ჯარიმებისგან გათავისუფლდებიან
ახალაიას საქმეზე სენაკის ბრიგადის 11 თანამშრომელი დაიკითხა
შუალედურ არჩევნებში დამარცხებულ კანდიდატებს 5 ათასი ლარი უკან დაუბრუნდათ
არქივი
ბლოგი
ქართული პოლიტიკური რეკლამის ისტორიული ექსკურსი
2005 წელს ამერიკელმა მკვლევარებმა დაადგინეს, რომ სატელევიზიო პოლიტიკურ რეკლამებს ამომრჩევლის ნების ფორმირებაზე მხოლოდ ხანმოკლე (ასე - ორკვირიანი), ზეგავლენის მოხდენა შეუძლია.ვრცლად...
წინასაარჩევნო სარეკლამო დაპირებები
პოლიტიკური რეკლამების ხარისხი და მიზანი
რედაქტორის აზრი
ადამიანის უფლებათა ცენტრი მაღალჩინოსნების სასამართლო პროცესებს დააკვირდება
ადამიანის უფლებათა ცენტრი იწყებს ახალი პროექტის განხორციელებას, რომლის ფარგლებშიც, ცენტრის იურისტები და ჟურნალისტები ყოფილი მაღალჩინოსნების სასამართლო პროცესებს მონიტორინგს გაუწევენ. ვრცლად...
საერთაშორისო ზეწოლის შედეგად სახელმწიფო აუდიტმა და აღსრულების ეროვნულმა ბიურომ რეპრესიები შეაჩერეს
აგვისტოს ომი - ვინ არის დამნაშავე?
გამოკითხვა