არასამთავრობო ორგანიზაცია „კონსტიტუციის 42-ე მუხლის“ ხემძღვანელის, მანანა კობახიძის განცხადებით, სამართლიანობის თვალსაზრისით, რაიონულ სასამართლოებში ძალიან მძიმე მდგომარეობაა.
„აუცილებელია, რაიონულ სასამართლოებში მიმდინარე პროცესებზე დაკვირვება განახორციელონ დამოუკიდებელმა იურისტებმა, რომლებიც იმუშავებენ არასამთავრობო ორგანიზაციების მონიტორების სტატუსით. მონიტორინგი მნიშვნელოვნად იმოქმედებს სამართლიანი სასამართლოს უფლების რეალიზების გაუმჯობესებაზე“, - აღნიშნა კობახიძემ.
როგორც ცნობილია, გასულ კვირას დიპლომატებთან შეხვედრის დროს ოპოზიციამ უცხოელებს კონკრეტულ სასამართლო პროცესებზე დასწრება სთხოვა. ამ შეთავაზებას წინ უსწრებდა ოპოზიციური პარტიებისა და არასამთავრობო ორგანიზაციების გააქტიურება პოლიტიკურ პატიმრებთან დაკავშირებით.
კახეთის საინფორმაციო ცენტრი