07:43, Tuesday, 19.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სამხარეო პოლიცია ოსებს ძროხებს არ უბრუნებს

16.12.2009
ერგნეთში კონსტანტინე კასრაძემ საკუთარ ბაღში სამი ძროხა იპოვა. საქონელი ოსური სოფლიდან იყო გადმოსული და ოსებს ეკუთვნოდა. კასრაძემ ქართულ პოლიციას მიმართა, რის შემდეგაც პოლიციამ ძროხები წაიყვანა.

„ჩემს ბაღში საქონელი დადიოდა. ბაღის იქით კი უკვე ოსების ტერიტორიაა. საქონელი რომ წამოვიყვანე, ჩემს შვილს ვუთხარი, რა ვუყოთ ამ ძროხებს მეთქი. სოფელში ზოგი მეუბნებოდა, დაიტოვეო, ზოგი – ისევ მინდორში გაუშვი და თავისით მივლენ პატრონთანო, მაგრამ მე პოლიციას ვუთხარი.  შემპირდნენ, თუ ვინმე გამოჩნდებოდა პატრონი, დაუბრუნებდნენ. ახლა ჩვენი მეზობელი სოფლის ოსებს გაუგიათ, რომ ძროხები ჩვენთან იყო ეზოში. შემომითვალეს, დაგვიბრუნე საქონელიო, მაგრამ მე ჩვენი პოლიცია აღარ მიბრუნებს ძროხებს, რათა ისევ ოსებს გადავცე. ისეთ ადგილზე ვცხოვრობ, სულ განაპირას დგას ჩემი სახლი. ხომ შეიძლება შურისძიების მიზნით, ღამით ვიღაც მოგვივარდეს და დაგვაწიოკოს?!“, - შიშობს კონსტანტინე კასრაძე.

პოლიციის განყოფილების უფროსმა ჯემალ რუსიტაშვილმა დაგვიდასტურა, რომ კასრაძეების ოჯახიდან მართლაც წამოიყვანა ნაპოვნი ძროხები. მისი თქმით საქონელი ახლა ერთ-ერთ ფერმაში ჰყავთ. როგორც რუსიტაშვილმა გვითხრა, რომ ძროხის დაბრუნების საკითხს წყვეტს შიდა ქართლის სამხარეო სამმართველოს უფროსი ვოვა ჯუღელი ან მისი მოადგილე შალვა ტრამაკიძე. ჩვენ არც ერთი მათგანი არ შეგვხდა -  ინფორმაციის მისაღებად და ნებართვის ასაღებად შსს-ს პრესსამსახურს დაუკავშირდითო.

პრესსამსახურის წარმომადგენელმა ზურაბ გვენეტაძემ გვითხრა - ნახევარ საათში დამირეკეთ, გაგირკვევთ ყველაფერსო. ნახევარის საათის შემდეგ კი ტელეფონის ზარს აღარ პასუხობდა. იგივე მოიმოქმედა სამხარეო სამმაართველოს ადგილობრივმა პრესსამსახურმა.

პოლიციელმა ჯემალ რუსიტაშვილმა პირად საუბარში გვითხრა -  ძროხებს მანამდე არ მივცემთ ოსებს, ვიდრე ნიქოზიდან გატაცებულ ძროხებს არ დააბრუნებენო.

საბა წიწიკაშვილი, გორი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC