განსასჯელები სასჯელაღსრულების დეპარტამენტის საბადრაგო სამსახურის მიერ დროებითი მოთავსების იზოლატორებში მოთავსებას აპროტესტებენ. ამის შესახებ 22 დეკემბერს თელავისა და ყვარლის რაიონულ სასამართლოებში პროცესების დასრულების შემდეგ განსასჯელებმა განაცხადეს.
განსასჯელების თქმით, მათ უკანონოდ ამყოფებენ დროებითი მოთავსების იზოლატორებში ადმინისტრაციულ პატიმრებთან ერთად, საკნები არ თბება, არ ეძლევათ საკვები და ვერ სარგებლობენ გასეირნების უფლებით.
საქართველოს სახალხო დამცველის, გიორგი ტუღუშის განცხადებით, მოსამართლის დადგენილებით, შესაძლებელია განსასჯელი საქმის განხილვისას დროებით მოთავსდეს უახლოეს დროებითი მოთავსების იზოლატორში.
"ეს შეიძლება მოხდეს თუ სასამართლო ტერიტორიულად დაშორებულია სასჯელაღსრულების დაწესებულებისგან და ბადრაგირების განხორციელება გართულებულია. იზოლატორებში მოთავსებულ განსასჯელებზე ზედამხედველობა უნდა განახორციელოს სასჯელაღსრულების სამინისტრომ. ეს უწყება ვალდებულია, იზოლატორებში მოთავსებული განსასჯელები უზრუნველყოს სათანადო პირობებით. რეგიონებში არსებული დროებითი მოთავსების იზოლატორების უმრავლესობა დადგენილ სტანდარტებს ვერ პასუხობს", - განაცხადა სახალხო დამცველმა გიორგი ტუღუშმა.
კახეთის საინფორმაციო ცენტრი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
