პოლიციამ სოციალური მომსახურების სააგენტოში მომხდარ აფეთქებაზე 85 წლის კაცი დააკავა

გურჯაანის პოლიციამ სოციალური მომსახურების სააგენტოს გურჯაანის განყოფილებაში მომხდარ აფეთქებაში ეჭვმიტანილი, 85 წლის ლადო სინჯიკაშვილი დააკავა.

როგორც შს კახეთის სამხარეო მთავარ სამმართველოში განაცხადეს, მომხდართან დაკავშირებით სს საქმე სსკ-ის 187-ე მუხლის მე-2 ნაწილით არის აღძრული.

სოციალური მომსახურების სააგენტოს გურჯაანის განყოფილების ინფორმაციით, სინჯიკაშვილი საკმაოდ შეძლებულად ცხოვრობს, რის გამოც მის ოჯახს საარსებო შემწეობა არ დაენიშნა.

სოციალური მომსახურების სააგენტოს გურჯაანის განყოფილებაში აფეთქება 21 იანვარს მოხდა. მოქალაქემ განყოფილების უფროსის მისაღებში ბენზინით სავსე ბოთლს ცეცხლი წაუკიდა. ხანძრის შედეგად სამსახურის უფროსმა ლეილა მურაკაშვილმა მსუბუქი ხარისხის დამწვრობა მიიღო.

კახეთის საინფორმაციო ცენტრი