მადლენ ოლბრაიტი: „რუსეთი არ უნდა იყოს კვერცხი, რომელიც ქათამს ჭკუას ასწავლის“

„რუსეთი ნატო-ს მხოლოდ ერთ-ერთი პარტნიორია და არა აქვს უფლება, ჩრდილოატლანტიკურ ალიანსს მითითებები მისცეს“, - განაცხადა ნატო-ს ექსპერტთა ჯგუფის ხელმძღვანელმა, აშშ-ის ყოფილმა სახელმწიფომდივანმა მადლენ ოლბრაიტმა, რომელსაც ალიანსის ახალი სტრატეგიული კონცეფციის შემუშავება აქვს დავალებული.

„რუსეთი ალიანსის ერთ-ერთი პარტნიორია. იგი არ უნდა იყოს კვერცხი, რომელიც ქათამს ასწავლის ჭკუას“, - აღნიშნა ოლბრაიტმა. 

 აშშ-ს ყოფილმა სახელმწიფო მდივანმა ნატო-ს ურთიერთობებს რუსეთთან „ფუნქციონალური“ უწოდა. ალიანსის შემდგომ გაფართოებასთან დაკავშირებთ კი, მან განაცხადა, რომ ნატო ღიაა დემოკრატიული ქვეყნებისთვის, რომლებიც ალიანსის ვალდებულებებს ასრულებენ.

ამავე დროს ოლბრაიტმა განაცხადა: „ეს ბლოკი ფილანთროპული ორგანიზაცია არ არის, რომელიც ვინმეს უსაფრთხოების უზრუნველყოფით იქნება დაკავებული“.

„ინტერპრესნიუსი“