21:41, Monday, 21.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ევროსასამართლოს ორი გადაწყვეტილება საქართველოს წინააღმდეგ კანონიერ ძალაში შევიდა

04.02.2010
ადამიანის უფლებათა ევროპული სასამართლოს მიერ საქართველოს წინააღმდეგ გამოტანილი ორი გადაწყვეტილება კანონიერ ძალაში შევიდა. საქმეებზე „გორგილაძე საქართველოს წინააღმდეგ“ და „ფანჯიკიძე და სხვები საქართველოს წინააღმდეგ“ ევროსასამართლომ გადაწყვეტილებები ოქტომბერში გამოიტანა. საქართველოს მთავრობას გადაწყვეტილების გასაჩივრების უფლებამოსილება არ გამოუყენებია.

ევროსასამართლოს გადაწყვეტილება სავალდებულოა აღსასრულებლად. გადაწყვეტილების აღსრულებას ზედამხედველობას უწევს ევროსაბჭოს მინისტრთა კომიტეტი.

ევროსასამართლომ საქართველოს სახელმწიფოს გორგილაძის სასარგებლოდ 5 000, ფანჯიკიძის, ყურაშვილისა და ქანთარიას სასარგებლოდ კი 2 000 ევროს გადახდა დააკისრა.

საქმეებში „გორგილაძე საქართველოს წინააღმდეგ“ და „ფანჯიკიძე და სხვები საქართველოს წინააღმდეგ“ ევროსასამართლომ საქართველოს მთავრობის მიერ დარღვეულად ცნო ევროკონვენციის მე-3 (წამების აკრძალვა) და მე-6 მუხლები (სამართლიანი სასამართლოს უფლება). მე-3 მუხლი დარღვეულად ცნო პატიმრობის არასატანადო პირობების გამო. განმცხადებელეთა მიმართ  სამართლიანი სასამართლოს უფლების დარღვევა კი გამოიხატა იმით, რომ მათი საქმის განხილვა საქართველოში არ მოხდა კანონის საფუძველზე შექმნილი სასამართლოს მიერ.

კერძოდ, საუბარია საქართველოში სახალხო მსაჯულთა მიერ გამოტანილ გადაწყვეტილებებზე იმ პერიოდში, როცა ეს ინსტიტუტი კანონის ძალით გაუქმებული იყო, მაგრამ ორი სახალხო მსაჯული სასამართლო განხილვებში მაინც მონაწილეობდა.

ევროსასამართლომ გადაწყვეტილებაში აღნიშნა, რომ სახალხო მსაჯულთა ინსტიტუტი საქართველოში არ იყო კანონით გათვალისწინებული წესით შექმნილი, რადგან არ არსებობდა არაიურისტ მსაჯულთა მიერ სასამართლო ხელისუფლების ფუნქციის განმახორციელებელი სამართლებრივი რეგულირების ნორმა. საქართველოს კი ადამიანის უფლებათა ევროპული კონვენციის რატიფიცირებით აღებული ჰქონდა ვალდებულება, კანონით მოეხდინა სასამართლო სისტემის იმგვარი მოწყობა, რომ არ მომხდარიყო ევროკონვენციით დაცული პრინციპების დარღვევა.

შესაბამისად, ევროსასამართლომ ჩათვალა, რომ სახალხო მსაჯულთა მიერ გამოტანილი ნებისმიერი გადაწყვეტილება არის უკანონო, არღვევს ევროკონვენციის მე-6 მუხლს და ნებისმიერ პირს, ვისი საქმის განხილვაც მოხდა სახალხო მსაჯულების მიერ, უფლება აქვს მოითხოვოს საქმის ხელახლა არსებითად განხილვა.

ჯი-ეიჩ-ენი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC