ვიდეოპორტალ myvideo.ge-დან ტელეკომპანია „კავკასიის“ ლინკი გაქრა. ამ ტელეკომპანიის გადაცემების პირდაპირ ეთერში ნახვის საშუალება, ინტერნეტ მომხმარებლებს myvideo.ge-ს Live-ის განყოფილების საშუალებით ჰქონდათ.
მომხდარი არ გაჰკვირვებია ტელეკომპანია „კავკასიის“ დირექტორს ნინო ჯანგირაშვილს. თუმცა, ჯანგირაშვილმა ვერც მიზეზები გაარკვია, რადგან myvideo.ge-ს ადმინისტრაციის ვინაობის ვერც გარკვევა ხერხდება და შესაბამისად, ვერც მათთან დაკავშირება.
როგორც ჯანგირაშვილმა განაცხადა, მისთვის ამ ვებ-გვერდიდან ტელეკომპანია „კავკასიის“ გაქრობის მიზეზები სრულიად გასაგებია, თუნდაც - მხოლოდ იმ გარემოებიდან გამომდინარე, რომ myvideo.ge-ზე ძველებურად ხელმისაწვდომია „რეალ ტივი“.
ვებ-გვერდი myvideo.ge არის youtube.com-ის ქართული ანალოგი.
„ინტერპრესნიუსი“