ალექსი ბახუტოვის საქმე გავლენიანი ორგანიზაცია „საერთაშორისო გამჭვირვალობის“ ანგარიშში მოხვდა და მძიმე შემთხვევად არის შეფასებული.
„კიდევ უფრო მძიმე შემთხვევა ალექსეი ბახუტოვის საქმეა. მას
ლაშა ჩოფიკაშვილის მკვლელობა ძალდატანებით აღიარებინეს. საპროცესო შეთანხმების გაფორმების მიზნით, მან დანაშაულის ორი თანამონაწილეც დაასახელა. ბახუტოვს რვა წლით თავისუფლების აღკვეთა მიუსაჯეს, მოგვიანებით კი აღმოჩნდა, რომ „მოკლული“ ცოცხალი იყო. ამის მიუხედავად, ბახუტოვი ციხიდან არ გაუთავისუფლებიათ. მას ამჯერად მკვლელობის მცდელობაში დასდეს ბრალი და ერთი წლის შემდეგ გამოუშვეს“, - ნათქვამია ანგარიშში.
თელავის პოლიციის თანამშრომლებმა ბახუტოვი ლაშა ჩოფიკაშვილის მკვლელობის ბრალდებით 2007 წლის 27 ივნისს დააკავეს. სამართალდამცავებმა მისგან აღიარებითი ჩვენება წამების შედეგად მიიღეს. წამების ფაქტზე სს საქმე აღძრული არ არის.
კახეთის საინფორმაციო ცენტრი