02:50, Friday, 25.09.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ცოტნე გამსახურდია შიმშილობას აგრძელებს

01.03.2010
სასამართლომ არ დააკმაყოფილა ცოტნე გამსახურდიას ადვოკატის შუამდგომლობა, აღმკვეთი ღონისძიების თავდებით გათავისუფლებით შეცვლაზე. ამ გადაწყვეტილებას ადვოკატი ქეთი ბექაური აბსურდულს უწოდებს. მისი თქმით, ცოტნე გამსახურდიას თავდებად ქორეპისკოპოსი, მიტროპოლიტი თეოდორე უდგებოდა.

1 მარტი ცოტნე გამსახურდიას შიმშილობის 66-ე დღეა. პატიმარი მხოლოდ წყალს იღებს და მისი ჯანმრთელობის მდგომარეობა ძალიან მძიმეა. ამავე დროს, გამსახურდია ექიმებს წნევისა და სხეულის ტემპერატურის გაკონტროლების საშუალებას არ აძლევს. ამის შესახებ საპარლამენტო უმცირესობის წარმომადგენელს, დიმიტრი ლორთქიფანიძეს მორიგე ექიმმა მაია მღებრიშვილმა აცნობა. თუმცა, humanrights.ge-სთან საუბრისას, სასჯელაღსრულების დეპარტამენტის წარმომადგენლები საწინააღმდეგოს ამტკიცებენ. მათი თქმით, ცოტნე გამსახურდიას ჯანმთელობის მდგომარეობა დამაკმაყოფილებელია და მისი არტერიული წნევა და სხეულის ტემპერატურა ნორმალურია. დეპარტამენტის პრესცენტრში უკვირთ, რატომ ვრცელდება ინფორმაცია, თითქოს განსასჯელი ექიმებს გასინჯვის საშუალებას არ აძლევს.

გასულ კვირაში სასამართლომ დაცვის მხარის16 შუამდგომლობა განიხილა. აქედან ნაწილი დააკმაყოფილა, რაც დამატებითი მოწმეების დაკითხვასა და ქიმიური და ბიოლოგიური ექსპერტიზის ჩატარებას შეეხებოდა, ხოლო შუამდგომლობა მოსამართლისა და პროკურორის აცილებასა და აღმკვეთი ღონისძიების თავდებით გათავისუფლებით შეცვლასთან დაკავშირებით არ დაკმაყოფილდა. ასევე არ დაკმაყოფილდა შუამდგომლობა გამსახურდიას წინააღმდეგ აღძრული ორი საქმის გაერთიანებასთან დაკავშირებით.

ცოტნე გამსახურდიას სასამართლო პროცესს  თბილისის საპატიო მოქალაქე კოტე ჩოლოყაშვილი, ია ბაგრატიონ-მუხრანსკი, „ლეიბორისტული პარტიის“ ერთ-ერთი ლიდერი სოსო შატბერაშვილი და კონსერვატორი კახა კუკავა ესწრებოდნენ. ეს ადამიანებიც ასევე ითხოვენ გამსახურდიას თავდებით გათავისუფლებას.

ცოტნე გამსახურდია 2009 წლის 27 ოქტომბერს დააკავეს. მას იარაღის უკანონოდ შეძენა - შენახვა - ტარება, მკვლელობის მცდელობა და ჯაშუშობა ედება ბრალად. ჯაშუშობის საქმეს სასამართლო ცალკე განიხილავს.

ანა შეშაბერიძე

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ახალი კორონავირუსის გავრცელების გამო დაკარგეთ თუ არა სამსახური?
დიახ არა

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC