ტელეკომპანია „იმედის“ 13 მარტის მოდელირებულ სიუჟეტს კიდევ ერთი ადამიანის სიცოცხლე ემსხვერპლა. ამ ინფორმაციას რუსული სააგენტო „იტარ-ტასი“ ავრცელებს. თბილისში მცხოვრები სოხუმიდან დევნილი, 75 წლის ვანო ნასარიძე ინსულტის შეტევით გარდაიცვალა. ექიმებმა მისი გადარჩენა ვერ შეძლეს.
ნასარიძის ახლობლების ცნობით, ავადმყოფი კვირას თბილისის ერთ-ერთ საავადმყოფოში მიიყვანეს, სადაც მას მძიმე და ხანგრძლივი ოპერაცია ჩაუტარდა. ოპერაციის შემდეგ ვანო ნასარიძემ მხოლოდ რამდენიმე დღეს იცოცხლა.
„იმედის“ სიუჟეტს მანამდე კიდევ ერთი ადამიანის სიცოცხლე შეეწირა.დუშეთის რაიონის სოფელ არაგვისპირის მცხოვრები, 50 წლის გაიოზ ოდიშელიძე გულის შეტევით გარდაიცვალა.
„სიუჟეტის მსვლელობის დროს წამოიყვირა „ეს რა ხდებაო“ , შემდეგ გულში ტკივილები იგრძნო და ძირს უგონოდ დავარდა“- განაცხადა გარდაცვლილის შვილმა ალეკო ოდიშელიძემ. მან სასწრაფო მაშინვე გამოიძახა, მაგრამ ექიმებმა ავადმყოფის გადარჩენა ვერ შეძლეს.
შეგახსენებთ რომ ტელეკომპანია „იმედმა“ 13 მარტს 20 წუთიანი იმიტირებული სიუჟეტი უჩვენა, რომელშიც საუბარი იყო ოპოზიციის ამბოხებაზე, სააკაშვილის მკვლელობაზე და საქართველოს წინააღმდეგ დაწყებულ, რუსეთის საბრძოლო ოპერაციაზე. მხოლოდ სიუჟეტის გასვლამდე მაყურებლის გაფრთხილება საკმარისი არ აღმოჩნდა.
თაკო ხუციშვილი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
