„ნაციონალური მოძრაობა“ წინასაარჩევნო კამპანიისთვის ბიზნესმენებისგან თანხების გადახდას ითხოვს, წინააღმდეგ შემთხვევაში კი მათ დაპატიმრებით ემუქრება. ამის შესახებ ინფორმაციას „ადამიანის უფლებათა ცენტრი“ ავრცელებს.
უფლებადაცვითი ორგანიზაციის ცნობით, რეგიონულ კოორდინატორებთან პირად საუბარში არაერთმა ბიზნესმენმა აღნიშნა, რომ სამართალდამცავ უწყებებში დაიბარეს და სახელისუფლებო პარტიის წინასაარჩევნო კამპანიის დაფინანსება მოსთხოვეს.
„მიგვითითეს, რომ თუ დავაგვიანებთ და თანხას დროზე არ გადავიხდით, პაპუნაშვილის, მახათელაშვილის და სხვების ბედს გავიზიარებთ. მოთხოვნილი თანხა 20 000 ლარიდან იწყება და კომპანიის შემოსავლების მიხედვით იზრდება“, - ავრცელებს ბიზნესმენების განცხადებებს „ადამიანის უფლებათა ცენტრი“.
„გადამოწმებული ინფორმაციით, რამდენიმე ბიზნესმენი დააკავეს, თუმცა ისე, რომ მათი დაკავების შესახებ ოფიციალური დოკუმენტაცია არ შედგა. ისინი თანხის გადახდის შემდეგ გაათავისუფლეს“, - აღნიშნეს „ადამიანის უფლებათა ცენტრში“.
შეგახსენებთ, რომ აპრილში სამსახურებრივი სიყალბის ბრალდებით თელავში დააკავეს სასტუმრო-რესტორნების ქსელის „ალაზნის ველის“ მეპატრონეები თემურ და კოტე მახათელაშვილები, რამდენიმე დღის წინ კი შპს „სოფიას“ მფლობელი იგორ პაპუნაშვილი. პაპუნაშვილის დაკავების მიზეზებზე პროკურატურაში კომენტარს არ აკეთებენ. რადიო „ჰერეთის“ ინფორმაციით, ორი დღის წინ, თელავში დააკავეს სავაჭრო ცენტრ „ლიმბოს“ მეპატრონე მამუკა ჭარბაძე. ჭარბაძესთან დაკავშირებით შსს-ში და პროკურატურაში კომენტარს ასევე არ აკეთებენ. კახეთის გუბერნატორის მოვალეობის შემსრულებელი გიორგი სიბაშვილი კი ჭარბაძის დაკავებას საერთოდ უარყოფს.
უფლებადაცვითი ორგანიზაციის ცნობით, რეგიონულ კოორდინატორებთან პირად საუბარში არაერთმა ბიზნესმენმა აღნიშნა, რომ სამართალდამცავ უწყებებში დაიბარეს და სახელისუფლებო პარტიის წინასაარჩევნო კამპანიის დაფინანსება მოსთხოვეს.
„მიგვითითეს, რომ თუ დავაგვიანებთ და თანხას დროზე არ გადავიხდით, პაპუნაშვილის, მახათელაშვილის და სხვების ბედს გავიზიარებთ. მოთხოვნილი თანხა 20 000 ლარიდან იწყება და კომპანიის შემოსავლების მიხედვით იზრდება“, - ავრცელებს ბიზნესმენების განცხადებებს „ადამიანის უფლებათა ცენტრი“.
„გადამოწმებული ინფორმაციით, რამდენიმე ბიზნესმენი დააკავეს, თუმცა ისე, რომ მათი დაკავების შესახებ ოფიციალური დოკუმენტაცია არ შედგა. ისინი თანხის გადახდის შემდეგ გაათავისუფლეს“, - აღნიშნეს „ადამიანის უფლებათა ცენტრში“.
შეგახსენებთ, რომ აპრილში სამსახურებრივი სიყალბის ბრალდებით თელავში დააკავეს სასტუმრო-რესტორნების ქსელის „ალაზნის ველის“ მეპატრონეები თემურ და კოტე მახათელაშვილები, რამდენიმე დღის წინ კი შპს „სოფიას“ მფლობელი იგორ პაპუნაშვილი. პაპუნაშვილის დაკავების მიზეზებზე პროკურატურაში კომენტარს არ აკეთებენ. რადიო „ჰერეთის“ ინფორმაციით, ორი დღის წინ, თელავში დააკავეს სავაჭრო ცენტრ „ლიმბოს“ მეპატრონე მამუკა ჭარბაძე. ჭარბაძესთან დაკავშირებით შსს-ში და პროკურატურაში კომენტარს ასევე არ აკეთებენ. კახეთის გუბერნატორის მოვალეობის შემსრულებელი გიორგი სიბაშვილი კი ჭარბაძის დაკავებას საერთოდ უარყოფს.
კახეთის საინფორმაციო ცენტრი
ახალი ამბები
პოპულარული
სტატია
13 თებერვალი, 2024
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სტატია
28 დეკემბერი, 2023
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
სტატია
13 დეკემბერი, 2023
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
