საქართველოში ევროსაბჭოს სადამკვირვებლო დელეგაცია ჩამოვა
24 მაისი, 2010
30 მაისის არჩევნებთან დაკავშირებით, საქართველოში ევროსაბჭოს სადამკვირვებლო დელეგაცია ჩამოვა, - ამის შესახებ დღეს გამართულ ტრადიციულ ბრიფინგზე საგარეო საქმეთა მინისტრის მოადგილემ ნინო კალანდაძემ განაცხადა.
მისივე თქმით, ევროსაბჭოს ადგილობრივი და რეგიონული კონგრესის 25-კაციანი ჯგუფი დააკვირდება, როგორც წინასაარჩევნო პროცესს, ისე არჩევნების შემდგომ პერიოდს.
ნინო კალანდაძის განცხადებით, სადამკვირვებლო ჯგუფი საქართველოში უკვე მეორედ იმყოფება. „სადამკვირვებლო ჯგუფის წევრები მთელი საქართველოს მასშტაბით გადანაწილდებიან. მნიშვნელოვანია, რომ საარჩევნო პროცესი გამჭვირვალედ მიმდინარეობდეს არა მხოლოდ საქართველოს მოქალაქეებისთვის, არამედ საერთაშორისო საზოგადოებას ჰქონდეს სრული და ამომწურავი ინფორმაცია საქართველოში ჩატარებულ არჩევნებთან დაკავშირებით“, - განაცხადა მინისტრის მოადგილემ.
სადამკვირვებლო ჯგუფი საქართველოში 26 მაისს ჩამოვა და მუშაობას 31 მაისს დაასრულებს.
„ინტერპრესნიუსი“
ახალი ამბები
პოპულარული
სტატია
13 თებერვალი, 2024
სტატია
28 დეკემბერი, 2023
სტატია
13 დეკემბერი, 2023