ლაგოდეხის რაიონის სამ საარჩევნო უბანში მარკირების აპარატები არ მუშაობს. ამის შესახებ „ადამიანის უფლებათა ცენტრის“ დამკვირვებლები აცხადებენ.
ლაგოდეხის რაიონის სოფელ კაბალის N1 და N15 საარჩევნო უბნებზე აპარატები არ მუშაობს.
„აპარატები არ მუშაობს ლაგოდეხის რაიონის სოფელ უზუნთალას 21-ე საარჩევნო უბანზე. გარდა ამისა, დილის 7-დან 8 საათამდე კომისიის წევრებს შორის ფუნქციები ისე არ გადანაწილდა, როგორც საარჩევნო კოდექსი ითვალისწინებს. ასევე, დარღვევებია სპეციალური სიაში“, - აღნიშნა „ადამიანის უფლებათა ცენტრის“ დამკვირვებელმა.
დღეს საქართველოში ადგილობრივი თვითმმართველობის არჩევნები ტარდება, სამ მუნიციპალიტეტში - კი შუალედური საპარლამენტო არჩევნებიც.
კახეთის საინფორმაციო ცენტრი